|
|
|
Adicado a Roberto Blanco TorresO escritor, nacido en Cuntis cara ó 1880, destacou no xornalismo polo seu talante combatente e o seu compromiso político co galeguismo. Tamén fixo incursións nas vangardas poéticas.O Día das Letras Galegas deste ano estará adicado a Roberto Blanco Torres. O Executivo Autonómico aprobou onte o decreto polo que declara 1999 como o año deste xornalista e escritor a proposta da Real Academia Galega. Nacido en Cuntis (Pontevedra) cara ó 1880, Roberto Blanco Torres diu os seus primeiros pasos na poesía da man das vangardas artísticas. A súa obra poética é calificada polos críticos como dunha grande beleza e intensidade expresiva. Outra das facetas deste home de letras é a de xornalista. O seu traballo nos medios impresos foi moi extenso e variado. A firma de Roberto Blanco Torres nas columnas de opinión caracterizou prácticamente unha época xornalística. Ademáis de ser colaborador asiduo da prensa galega dirixiu varios xornais. As súas columnas desprenden o talante combativo que caracteriza toda a súa obra. Dende Cuntis, o seu pobo natal, emigrou a Cuba. Este desterro condicionou a súa personalidade que se foi forxando pouco a pouco no trascorrer dos años. Comprometido co seu tempo evolucionou politicamente dende o agrarismo ata o galeguismo. A Real Academia Galega considerou que a labor de Roberto Blanco Torres o facía merecente dun posto de honra no xornalismo galego. O Día das Letras Galegas foi a data escollida para a homenaxe a este pontevedrés. O decreto aprobado onte polo Goberno galego fai fincapé na obriga de tódo-los galegos de participar nos actos do Día das Letras Galegas. As institucións públicas, centros de ensino, bibliotecas, asociacións e federacións culturais dependentes da Xunta de Galicia dedicarán unha parte importante das súas actividades a poñer de relevo a obra deste xornalista e poeta. Como testemuña da homenaxe se fará en 1999 a Roberto Blanco Torres, a Xunta acuñará trescentos exemplares numerados dunha medalla conmemorativa. Paula Pérez - Santiago |
|
